ମେଗା ଖଣି ଦୁର୍ନୀତିରେ କେଉଁ ୨୩ ଖଣି ଦାଖଲ କରି ନାହାନ୍ତି ଜରିମାନା

ସରକାରୀ ନିର୍ଦେଶର ଉଲ୍ଲଂଘନ କରିଛନ୍ତି ରାଜ୍ୟର ୨୩ ଖଣି। ବେଆଇନ ଭାବରେ ଖଣି ଉତ୍ତୋଳନ କରିଛନ୍ତି କିନ୍ତୁ ଧରା ପଡ଼ିବା ପରେ ଜରିମାନା ଦାଖଲ କରିନାହାନ୍ତି। ଏଥିସଂକ୍ରାନ୍ତରେ ସେମାନଙ୍କ ବିରୋଧରେ କେବଳ ସାର୍ଟିଫିିକେଟ କେସ କରି ଚୁପ ବସିଛି ରାଜ୍ୟ ସରକାର। ବର୍ତ୍ତମାନର ସରକାର ଏହାକୁ ନେଇ କଣ ପଦକ୍ଷେପନେଉଛନ୍ତି ଦେଖିବାକୁ ବାକି ରହିଲା।

୨୦୦୦ରୁ ୨୦୧୪ ମସିହା ମଧ୍ୟରେ ରାଜ୍ୟରେ ୯ ଲକ୍ଷ କୋଟି ଟଙ୍କାର ଖଣି ଦୁର୍ନୀତିର ଅଭିଯୋଗ ହୋଇଥିଲା। ଏହାର ତଦନ୍ତ ପାଇଁ ୨୦୧୭ ମସିହାରେ ଶାହାକମିସନ ରିପୋର୍ଟ ଅନୁଯାୟୀ, ୫୯ହଜାର ୨୦୩ କୋଟି ଟଙ୍କାର ବେଆଇନ ଖଣି ଉତ୍ତୋଳନ ଚିହ୍ନଟ ହୋଇଥିଲା। ଏଥିରୁ କେବଳ ୨୨.୮୦ କୋଟି ଆଇରନ ଏବଂ ମାଙ୍ଗାନିଜଅଟେ। ଏଥିରେ ଓଏମସି, ସିରାଜୁଦ୍ଦିନ, ଜିନ୍ଦଲ ଷ୍ଟିଲ ଆଣ୍ଡ ପାଓ୍ବାର ଲିମିଟେଡ, ରୁଙ୍ଗଟା ସନ ପ୍ରାଇଭେଟ ଲିମିଟେଡ, ତାରିଣି ମିନରାଲ, ଟିସ୍କୋ ଲିମିଟେଡ ଭଳି ୧୪୪ ଖଣିରହିଥିଲେ ଯେଉଁ ମାନେ ବେଆଇନ ଭାବରେ ବର୍ଷାଧିକ ସମୟ ଧରି ଖଣି ଉତ୍ତୋଳନ କରି ପରିବେଶ ପ୍ରଦୂଷିତ କରୁଥିଲେ। ୨୦୧୭ ମସିହାରେ ଶାହା କମିସନଙ୍କ ରିପୋର୍ଟରେଏହି ମେଗା ଖଣି ଦୁର୍ନୀତିର ପର୍ଦାଫାସ ହୋଇଥିଲା। ଏହାକୁ ନେଇ ଅନେକ ତୁମ୍ବିତୋଫାନ ହୋଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଏହାକୁ ନେଇ କୌଣସି ବଡ଼ ଅଧିକାରୀଙ୍କବିରୋଧରେ କାର୍ଯ୍ୟାନୁଷ୍ଠାନ ହୋଇ ନାହିଁ। ଜରିମାନା ଦାଖଲ ନିର୍ଦେଶର ଉଲ୍ଲଂଘନ କରିଥିବା ଅଭିଯୋଗ ନେଇ ଖଣି ବିଭାଗ କହିଛି, ଓଡ଼ିଶା ରାଜ୍ୟରେ ଲୌହ ଓ ମାଙ୍ଗାନିଜଖଣି ପଟ୍ଟଗୁଡ଼ିକର ଦୁର୍ନୀତି ଅଭିଯୋଗ ଅନୁସାରେ, ଏମବି ଶାହା କମିସନ ଓ ସିଇସିଙ୍କ ମତ, ମନ୍ତବ୍ୟ ଓ ଟିପଣିକୁ ବିଚାର କରି ସର୍ବୋଚ୍ଚ ନ୍ୟାୟାଳୟ ତାଙ୍କ ଚୂଡ଼ାନ୍ତ ରାୟ୨୦୧୭ ମସିହା ଅଗଷ୍ଟ ୨ ତାରିଖରେ ପ୍ରଦାନ କରିଥିଲେ। ତଦନୁଯାୟୀ, ଲୌହ ଓ ମାଙ୍ଗାନିଜ ଖଣିର ପଟ୍ଟାଧାରୀ ତାଙ୍କ ବୈଧନିକ ଅନୁମତି ପତ୍ର ଯଥା ଇସି, ଏଫସିଏବଂଏମପି/ସିଟିଓରେ ଉତ୍ତୋଳନ କରିବା ନିମନ୍ତେ ଧାର୍ଯ୍ୟ ଲକ୍ଷ୍ୟ ଠାରୁ ଅଧିକ ପରିମାଣରେ ଖଣିଜ ପଦାର୍ଥ ଉତ୍ତୋଳନ ଏବଂ ପରିବହନ କରିଥିବାରୁ ସର୍ବୋଚ୍ଚ ନ୍ୟାୟାଳୟ ତାଙ୍କରଚୂଡ଼ାନ୍ତ ରାୟର ଧାରା ଅନୁଯାୟୀ ଜରିମାନା ଆଦାୟ ପାଇଁ ନିର୍ଦେଶ ଦେଇଥିଲେ। କିନ୍ତୁ ୨୩ ଖଣି ଏହାର ପାଳନ କରି ନାହାନ୍ତି। କେନ୍ଦୁଝରର ବିଧାୟକ ଥିବା ବର୍ତ୍ତମାନରମୁଖ୍ୟମନ୍ତ୍ରୀ ଖଣି ଦୁର୍ନୀତି ନେଇ ସର୍ବାଧିକ ମୁଖର ଥିଲେ। ଏପରିକି ନିର୍ବାଚନର ଠିକ ପୂର୍ବରୁ ଖଣି ଦୁର୍ନୀତିର ସିବିଆଇ ତଦନ୍ତ ପାଇଁ ବରିଷ୍ଠ ବିଜେପି ବିଧାୟକ ଜୟ ନାରାୟଣମିଶ୍ର ଦାବି କରୁଥିଲେ।

ଯେଉଁ ଖଣି ଏହି ନିର୍ଦେଶର ପାଳନ କରି ନାହାନ୍ତି ସେମାନେ ହେଲେ